10000Hz

Филмски ефекти, по дома

2008-08-22T05:03:00.001-07:00

Доста ми е од античката слава и сегашните фекалии

2008-07-11T16:31:00.000-07:00

Развигор има напишано одличен пост за целата работа со кралот од Хунза (или Хунѕа):
Развигор ;-): Човекот што сакаше да биде крал, втор дел (по трагедија, фарса)

Ова го пишувам затоа што ако ништо не напишам, ќе испадне дека ја поддржувам оваа невидена лудост и хистерија. Доста ми е славење на луѓе и настани од пред 2000 години (или од пред 1000, 500, 100). Ме интересира само она што се случува овде и сега.

Мојот омилен верник

2008-07-09T16:02:00.000-07:00

Хајлајти:

„Jesus exists because most Americans believe in him.“

„Scientists created the Internet. Those pages [оние кои ја негираат науката] are on the Internet. If science invented those pages that show the controversy in science, then there must be a controversy.“

Додатоци за Firefox кои ги користам

2008-06-19T17:38:00.000-07:00

Со Foxmarks ги синхронизирам обележувачите секаде каде што го користам Firefox.

DownThemAll! - пософистициран менаџер за спуштање датотеки.

Zotero - за истражувачка работа. Одличен е за креирање библиографии.

Flagfox - сакам да гледа

Piclens - 3D фото галерии (и многу повеќе). За жал, само за Windows.

Дождот - добар за земјоделието, лош за интернетот од Телекабел

2008-06-08T17:20:00.000-07:00

Цела недела се молам да не заврне дожд па да ми снема интернет. Чудна работа е што ваква технологија, правена да преживее и нуклеарна катастрофа, не може да издржи неколку капки вода.

Моето EEE

2008-06-07T16:45:00.000-07:00

Последниве денови си играв со моето Asus EEE PC. Ја инсталирав најновата верзија на Убунту, 8.04. Испадна одлично па решив да ја споделам радоста со сите, и да ви покажам што може да направи едно купче ефтин харвер, и малку одличен софтвер.

Го отсранив едниот панел, и менто за навигација за да заштедам на простор.

Compiz функционира перфектно, со сите ефекти и нишани. Избирачот на прозорци ептен ја олеснува работата на компјутери со вака мали екрани.

Google Earth работи речиси без проблеми (не се сака баш со Compiz).

Супер е за гледање видеа, слушање музика и такви работи. Долу на сликата - Firefox 3 во full screen.

Едвај чекам наесен да излезе Ubuntu Netbook Remix. Велат дека со него системот ќе се подигал за 5-10 секунди.

Историја

2008-03-05T13:54:00.000-08:00

Тодор Александров, Каменот од Розета, 5000 години македонска писменост, 100 и кусур години Илинден, Александар Велики и Букефал, антички скулптури, музеј на ВМРО, обнова на стари згради...

Да се занимаваа луѓето со иднината толку колку што се занимаваат со историјата, ќе бевме прилично футуристичка држава.

Предлог за пренамена на верските објекти

2008-03-01T17:49:00.001-08:00

Бидејќи сметам дека градбите не треба да се рушат, туку треба да еволуираат по својата функција, онака како што еволуира опшеството што ги исполнува, ја предлагам следнава пренамена на верските објекти во Македонија:

Крстот на Водно - ветерница. Истото може да се направи и со отанатите крстови кои се поставени низ Македонија (знам дека има во Струмица и еден-два кај штипско Ново Село).
Минариња - разгласи за рано предупредување за општа опасност или ветерници, зависно од локацијата.
Цркви и џамии изградени 19 век и порано - музеи.
Цркви и џамии изградени 20 и 21 век - библиотеки (незнам оти, ама кога првпат ја видов новата црква на Труфун, си реков: "Еден ден ова ќе биде убава библиотека!").
Манастири - одморалишта.

Вака барем ќе имаат некаква корисна функција.

Препорака: The Real Superhumans and the Quest for the Future Fantastic

2007-11-25T13:49:00.000-08:00

Да не ви објаснувам јас - читајте овде. Кој сака, културно и пиратски, може да си го симне документарецот.

Жртви на комунизмот: Романија

2007-11-13T12:05:00.001-08:00

Пред некој месец актуелна беше веста за романскиот владика кој бил информатор на комунистичката власт. Сигурно ептен шокантно го доживеале ова Романците, затоа што крстот и црквата се симбол на тамошната борба против комунизмот.

Еве некои фотографии кои ги направив минатиот месец во Букурешт и Брашов.
Зградата во Букурепт од која Чаушеску го одржа својот последен говор. На просторот помеѓу двете возни ленти се наоѓаат крстови - споменици на загинатите во револуцијата.

Споменик за жртвите на комунизмот во Брашов. Исток, запад и железната завеса - се е тука.

И пак Брашов, и уште крстови - споменик на загинатите во револуцијата 1989 год.

Жална вест

2007-10-16T11:22:00.000-07:00

Денес се случи трагичен настан.

Собранието на Македонија, иако имаше што да прави, не работеше цел ден.

Знам дека ова звучи бесчуствително, но вистина е. Денес загина еден млад човек од 26 години, вчера загинаат тројца на патот меѓу Струмица и Штип. Секојдневно се случуваат многу трагедии - некои погодуваат повеќе луѓе, некои помалку. Но животот не смее да застане.

Spectrum Online: Интервју со Артур Кларк

2007-10-03T15:06:00.000-07:00

Човекот кој помогна во создавањето на радарот и ги предвиде сателитите - Артур Кларк. Деведесетгодишникот зборува за минатото (Студената војна) и иднината - новиот вид на „граѓанска“ трка за вселената.

Еден краток извадок од целото интервју:

„I could be forgiven for failing to anticipate all the distractions of the 1970s that wrecked our optimistic projections—though I did caution that the Solar System could be lost in the paddy fields of Vietnam. (It almost was.)"

Дали денес Соларниот систем го губиме во ирачката пустина?

На 2,515,283 место во светот

2007-10-03T14:27:00.000-07:00

Пошто навика е да се рекламира било каков успех, па и 4 место - гордо објавувам дека овој блог, според Technorati, е на 2,515,283 место во светот.

Жабата

2007-09-23T13:23:00.000-07:00

За да не се чудите што е онаа рекламата „Frogmobile ново во мобилната при-пејд телефонија“ - еве ви линк.

Затоа што страната е грчка, а и затоа што делот „Terms of use“ почнува со „COSMOTE MOBILE TELECOMMUNICATIONS SA“, речиси сигурно е дека се работи за некоја нова, искасапена и ефтина тарифа на Космофон.

Добра маркетинг финта, у секој случај.

Заебан ден

2007-09-20T15:21:00.001-07:00

Киро ги заеба Ганди, Де Гол, Черчил и Бранко добивајќи ја титулата „Државник - хуманист на столетието“.

Абрамович го заеба Мурињо.

Канада ја заеба Грција и уште еднаш покажа дека колективно патиме од Синдром на напуштено дете (у смисол претерано се радуваме кога некој не тапша по рамо пр.1 пр.2 пр.3). Овојпат Бучко не организираше прослава на плоштад.

Болтон го заеба Работнички - изедначи пред крајот. Заебаниот коментатор рече дека тоа било успех!

Непријателски предмети

2007-09-01T02:20:00.001-07:00

Од Александар разбрав дека Bruce Sterling дошол во Македонија. Ова ме потсети на едно кратко филмче со него, што го гледав пред некој ден на Technology Review. Насловот е „Непријателски предмети“, а се зборува, меѓу другото, за телефонски говорници, Windows Media Player и CERN.

Задолжително погледнете го за, ако случајно го сретнете на улица, да знаете со што човек си имате работа :).

Нема ништо транспаренто во притискање копче

2007-07-29T10:39:00.000-07:00

Се почеста практика е да се употребуваат компјутерски системи за автоматски избор при доделувањето на разно разни работи - лиценци, социјални станови, а еве денес и места во студентски домови.

Демек, се се случува со „едноставно притискање копче“. И ова ти било транспарентно!

Доколку кодот на програмата не е јавно објавен, ни доделувањето не е траспарентно. Компјутерот, сам по себе, е објективен онолку колку што ќе му се каже да биде. Со други зборови, може да се испорграмира да даде било какви, па и наместени, резултати.

Честа практитка кога се употребуваат вакви системи, или системи за електронско гласање, е да има комисија која го проверува и верифукува кодот на програмата по секоја употреба. Уште поубаво е јавното објавување, за да може било кој заинтересиран да провери. Па ајде, дајте да видиме што има „под хауба“.

Ајмо ефтин интернет, извол'те!

2007-07-10T16:45:00.000-07:00

Прашање: Зошто Владата на Груевски е популистичка?

Одговор: Затоа што Владата наместо да инвестира во инфраструктура, се занимава со „продажба на мало“!

Пример 1: Отворање интернет кафеа, наместо градење државна интернет backbone мрежа (која ќе ја намали цената на интернетот и зголеми локалната брзина на пренос на податоци).

Пример 2: Овторање болници во шатори од платно , наместо во згради од малтер.

Како да додадете копчињата за пријавување на статија?

2007-07-02T19:12:00.000-07:00

1. Во Blogger, изберете да го уредувате изгледот со HTML код.

2. Обележете го полето за уредување на widget-ите.

3. Во новиот код којшто ќе се појави подолу најдете нешто што личи на ова:

<div class='post-body'>
<p><data:post.body/></p>

Овде почнува описот на изгледот на статиите. Може копчињата за пријавување да ги ставите веднаш по овој код (ќе бидат најгоре) или да им најдете некое друго место (кaj мене е додадено на крајот од статијата).

4. Кога ќе најдете соодветно место, внесете го овa:

<a expr:href='"http://kajmakot.softver.org.mk/prijavi/?url=" + data:post.url' expr:title='"кајмак.от: " + data:post.title' target='_blank'><img src='http://kajmakot.softver.org.mk/media/sliki/favicon.ico'/></a>

Ова е кодот за пријавување на кајмак.от. За останатите сервиси е слично: треба да се промени само адресата за пријавување (на пр. за Digg e http://digg.com/submit?phase=2&url=).

Колку нè чини Ирак?

2007-06-30T20:02:00.000-07:00

Сакав да на правам бројач, сличен на овој, за тоа колку пари троши Македонија за ~~мировната~~ лицемерната мисија во Ирак. Бројката нема да биде ни приближно импресивна како онаа на САД, ама барем ќе ни даде некоја претстава. Меѓутоа, никако не можам да најдам информација на интернет за тоа колку пари од буџетот (читај: од граѓаните на РМ) се издвоени за оваа намена. Помагајте ако знаете! Моја слободна проценка е некаде околу 25-30 денари во секунда.

Зошто оваа мисија е лицемерна читајте кај .аНТИ.

Goodbytes пишува за уште едно наше лицемерие.

Заситување од информатичари

2007-06-28T18:55:00.000-07:00

Разгледувајќи го конкурсот за запишување на УКИМ, пресметав дека оваа година ќе бидат примени околу 620 студенти на „информатички насоки“ ( од Електро и Природноматематички факултет). Ако се сеќавате пред околу еден месец Владата го зголеми бројот на студени од овие насоки, за сметка на опшествените науки, а Македонија интензивно се промовира (и внатре и надвор) како земја на информатичари.
И, нормално, ова предизвика голем интерес за една од овие, популарно наречени, „перспективни професии“ (на Електро првпат има повеќе заинтересирани отколку што има места).
Еве еден интересен податок којшто го ископав од базата на Job Fair 2007 (саем за вработување и кариера): компаниите понудиле околу 180 работни места (150 се само од една компанија), а заинтересирани за вработување/пракса биле околу 220 студенти. Податоците се однесуваат само за гореспоменатите професии.
Бројќите се премногу „лабави“ за да се извлече цврст заклучок, но сепак сметам дека се доволно репрезентативни. Ако сметаме дека е така, може да се каже дека моментално пазарот на трудот (колку сурово звучи ова!) е во заситување. Сега е ред на индустријата да произведе работни места за новите кадри!

Sicko

2007-06-25T18:12:00.001-07:00

Новиот документарец на Мајкл Мур, „Sicko“, го ~~опишува~~ критикува системот за здравствено осигурување на САД (приватни фондови), и прави споредба со некои други земји (Франција, Велика Британија, Куба) каде што здравственото осигрување е бесплатно и универзално.

Според Светската здравствена организација најдобар систем за здравствено осигурување има Франција, САД е на 37 место, Куба на 39 a Македонија на пристојното 89 место.

Судејќи по тоа што го видов во филмот, можам да кажам дека кај нас е поарно отколку во САД (иако за среќа, немам некое големо искуство со нашите болници).

Подолу ја има најавата за филмот.

За Евровизија, музиката и паштетите

2007-02-25T17:35:00.000-08:00

Лошата музика е како лошата паштета. Вкусна е затоа што е ефтина, затоа што ни ја сервираат за доручек уште од градинка па сме навикнале на неа. Но ако направиме подлабока анализа ќе видиме дека тоа се само дробени коски и мелени црева од свиња.

Наука = религија?

2007-02-12T03:56:00.000-08:00

Дали може еден палеонтолог да верува во Библијата? Науката го учи дека диносаурусите живееле пред 50 милиои години. Библијата вика дека земјата е стара 10000 години.

Налетав на интересна статија во која се зборува за луѓе кои го разграничуваат својот религиозен живот од научната работа. Клучното прашање кое се поставува е: Дали наука треба сама по себе да наметнува и некакво убедување? Дали биолозите и лекарите, на пример, треба да бидат убедени во еволуцијата?

Еве еден извадок од статијата:

„Case, who champions the teaching of evolution, heads the committee writing state science standards in Kansas, a state particularly racked by challenges to Darwin. Even so, he said it would be frightening if universities began "enforcing some sort of belief system on their graduate students.“

WWOZ

2007-02-11T08:18:00.000-08:00

Ви ја препорачувам оваа радио станица од Њу Орлеанс. Случајно ја открив минатото лето. Last.fm e одличен оn-line радио сервис (и многу повеќе од тоа), но понекогаш ми здосадува да слушам радио станица деригирана од алгортми наместо од луѓе.

Како се чува јазикот?

2007-02-07T19:47:00.000-08:00

Денес на блогот на Гугл излезе веста дека алатката Google Docs & Spreadsheats отсега е достапна на уште неколку јазици, меѓу кои и англиски за Велика Британија.

„...we wanted to let you know that Google Docs & Spreadsheets, our handy online document and spreadsheet editor, now comes in 12 more languages. That's 11 if you don't count English for the UK, where the only difference is the word 'color' (colour).“

Отсекогаш ме интересирало која е разликата помеѓу англиски јазик за САД и за Нов Зеланд , на пример. Овој пример ми даде делумен одговор.

Мислам дека треба да направиме и со македонскиот јазик таква дистинкција, како на пример: македонски јазик за неписмени новинари на локална телевизија, или пак, македонски јазик за огласни табли во државни институции.

Инвестирајте во Македонија

2007-02-05T23:18:00.000-08:00

Сабајлево купив Вечер (првпат после многу години). Освен лошата фотомонтажа на медицинска сестра со фискален апарат на насловната, вниманието ми го привлече уште една работа. На 6-та страна има оглас којшто е дел од промотивната кампања - Инвестирајте во Македонија.(подоцна додека чекав ред на бербер го видов истиот оглас и во Време и Вест)

Не ја гледам потребата од таква „реклама“ во македонски весник. Единствената цел на овој оглас е да послужи како ЕПП за Владата. Ова се гледа и од информацијата во огласот: „Овој оглас е објавен во 50 весници, во 35 држави“ (бреееее!). И ако веќе се оди со таква промоција и во Македонија, зошто веб страната нема македонска верзија?

Не дека не ми се допаѓа ваквиот начин на промоција (напротив мислам дека е потребен). Меѓутоа, сметам дека треба да биде реалзиран исклучиво во странски медиуми. Не сакам да плаќам некој за да ми се фали колку добро работи (за мене).

Вуди Ален трибјут

2007-02-04T19:15:00.000-08:00

Интересен аматерски документарец за Вуди Ален. Типот имитира познати режисери кои зборуваат за „животот и делото“ на Вуди. Како што вели: „I made this by myself for a project. Got a 100“. Има и втор дел. Обрнете внимание на пародијата на Кјубрик во првиот и Тарантино во вториот дел.

10000 Hz v. 2.0

2007-01-30T18:25:00.000-08:00

Повторно го стартував блогов затоа што сакав да го пробам новиот Blogger. Кога завришв со средувањето ептен ми се допадна како изледа па си викам - дај да не стои така за џабе.
Ќе куцнувам по нешто кога ќе имам време. Минатите верзии на 10000 Hz ги сфаќав премногу како обрвска па затоа по некое време ми досадуваа. Другата причина е што немав постојано интернет дома.